കുവൈത്ത്: ഇസ്ലാമിന്റെ അടിസ്ഥാന വിശ്വാസങ്ങളില്‍ നിന്ന് വ്യതിചലിച്ച് ദൈവേതര ശക്തികളില്‍ അഭയം പ്രാപിച്ചതാണ് മാനവ സമൂഹം സകല ജീര്‍ണതകളിലും വ്യതിയാനങ്ങളിലും തളച്ചിടപ്പെടാന്‍ കാരണമായതെന്ന് ജൌഹര്‍ അയനിക്കോട് അഭിപ്രായപ്പെട്ടു. വ്യാജ ദൈവങ്ങളും അന്ധവിശ്വാസങ്ങളും അരങ്ങു തകര്‍ക്കുമ്പോള്‍ അതിനെതിരെ മൌനം പാലക്കുന്നത് പ്രബോധക സമൂഹത്തിന് ചേര്‍ന്നതല്ലെന്നും അദ്ദേഹം കൂട്ടിച്ചേര്‍ത്തു.

കുവൈത്ത് കേരള ഇസ്ലാഹി സെന്റര്‍ ദ്വൈമാസ കാംപയ്ന്‍ സമാപന സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. സാല്‍മിയ പ്രൈവറ്റ് എജ്യൂക്കേഷന്‍ ഹാളില്‍ നടന്ന പരിപാടിയില്‍ വൈസ് പ്രസിഡണ്ട് എ.എം. അബ്ദുസ്സമദ് അധ്യക്ഷത വഹിച്ചു. സാദത്തലി കണ്ണൂര്‍, സി.പി. മഹ്മൂദ്, കബീര്‍ ബുസ്താനി പ്രസീഡിയം അലങ്കരിച്ചു. അശ്റഫ് എകരൂര്‍ സ്വാഗതവും സുനാഷ് ശുക്കൂര്‍ നന്ദിയും പറഞ്ഞു.