കോഴിക്കോട്: എം.ജി.എം സംസ്ഥാന പ്രവര്‍ത്തക സമിതി യോഗം ജൂണ്‍ 26ന് രാവിലെ 10 മണിക്ക് മുജാഹിദ് സെന്റര്‍ ന്യൂബ്ളോക്കില്‍ ചേരും (ഇന്‍ശാ അല്ലാഹ്). എല്ലാ പ്രവര്‍ത്തക സമിത അംഗങ്ങളും എത്തിച്ചേരണമെന്ന് ജനറല്‍ സെക്രട്ടറി അറിയിച്ചു.

കോഴിക്കോട്: ഐ.എസ്.എം സംഘടിപ്പിക്കുന്ന ക്യു.എച്ച്.എല്‍.എസ് സംസ്ഥാല തല പൊതു പരീക്ഷ ജൂണ്‍ 27ന് (ഞായറാഴ്ച) രാവിലെ 10 മണി മുതല്‍ 12 മണിവരെ സംസ്ഥാനത്തെ തെരഞ്ഞെടുത്ത കേന്ദ്രങ്ങളില്‍ നടക്കുമെന്ന് ഐ.എസ്.എം ജനറല്‍ സെക്രട്ടറി ടി.കെ. അഷ്റഫ്, ക്യു.എച്ച്.എല്‍.എസ് കണ്‍വീനര്‍ അബ്ദുല്‍ ഖാദിര്‍ പറവണ്ണ എന്നിവര്‍ അറിയിച്ചു. വിശുദ്ധ ഖുര്‍ആനും ഹദീഥും ആധാരമാക്കി 5 വിഭാഗങ്ങളായാണ് പരീക്ഷ നടക്കുക. രണ്ടാം വിഭാഗത്തില്‍ സ്കൂള്‍ പഠിതാക്കള്‍ക്ക് പുറമെ എല്ലാ വിഭാഗം ജനങ്ങള്‍ക്കും പങ്കെടുക്കാന്‍ സൌകര്യമുണ്ട്. അപേക്ഷിച്ചവര്‍ രാവിലെ 10ന് പരീക്ഷ ഹാളില്‍ എത്തിച്ചേരണം

പാലക്കാട്: കേരള നദ്വത്തുല്‍ മുജാഹിദീന്‍ കരിങ്ങാനാട് ശാഖാ കമ്മിറ്റിയുടെ ആഭിമുഖ്യത്തില്‍ ജൂണ്‍ 27ന് ഞായറാഴ്ച രാവിലെ 9 മുതല്‍ വൈകുന്നേരം  6 മണിവരെ കരിങ്ങനാട് സലഫിയ്യയില്‍ വെച്ച് നടക്കുന്ന ഏകദിന പഠനക്യാമ്പ് ഹദ്യത്തുല്ല സലഫി ഉദ്ഘാടനം ചെയ്യും (ഇന്‍ശാ അല്ലാഹ്). ക്യാമ്പില്‍ ലാഇലാഹ ഇല്ലല്ലാഹ് എന്ന വിഷയത്തില്‍ പ്രൊഫ. അബ്ദുറഹിമാന്‍ സലഫി, ആചാരങ്ങളും അനാചാരങ്ങളും എന്ന വിഷയത്തില്‍ മുഹമ്മദ് റഫീഖ് സലഫി,  കുടുംബ ഒരു ഇസ്ലാമിക പരിപ്രേക്ഷ്യം എന്ന വിഷയത്തില്‍ അബ്ദുറഹ്മാന്‍ ഫാറൂഖി പൊന്‍മള, വിചാരണ എന്ന വിഷയത്തില്‍ എം. മുഹമ്മദ് മദനി എന്നിവര്‍ ക്ളാസെടുക്കും.

കോഴിക്കോട്: കായിക വിനോദം ചൂതാട്ടത്തിന് വഴിമാറുന്നത് അപലപനീയവും കായിക ഇനങ്ങളുടെ താത്പര്യങ്ങള്‍ ഹനിക്കുന്നതുമാണെന്ന് ഐ.എസ്.എം സംസ്ഥാന സെക്രട്ടറിയേറ്റ് അഭിപ്രായപ്പെട്ടു.

ജീവിതത്തിന്റെ ലക്ഷ്യം വിസ്മരിച്ച് കായിക ആസ്വാദനം ദിനചര്യയുടെ ഭാഗമാക്കുന്ന വിധത്തിലുള്ള പുതിയ തലമുറയുടെ സമീപനം ഗുരുതരമായ സാമൂഹിക ഭവിഷ്യത്തുകള്‍ സൃഷ്ടിക്കുമെന്ന് യോഗം മുന്നറിയിപ്പ് നല്‍കി.

ആരോഗ്യം സമയം ധനം എന്നിവ രാജ്യത്തിന്റെ വികസനത്തിനും സാമൂഹിക ക്ഷേമത്തിനും ക്രിയാത്മകമായി ഉപയോഗിക്കേണ്ടതിനു പകരം ഫുട്ബോള്‍ ഉള്‍പ്പെടെയുള്ള കായിക വിനോദങ്ങള്‍ക്കുവേണ്ടി ധൂര്‍ത്തടിക്കുന്നത് ദൈവീക അധ്യാപനങ്ങളെ നിഷേധിക്കുന്നതിന് തുല്ല്യമാണ്. കായിക ജ്വരത്തെ നിരുത്സാഹപ്പെടുത്താന്‍ മത രാഷ്ട്രീയ സാമൂഹിക നേതൃത്വം ക്രിയാത്മകമായ ഇടപ്പെടല്‍ നടത്തണമെന്ന് യോഗം ആവശ്യപ്പെട്ടു.

എന്തിന്റെ പേരിലായാലും ചൂതാട്ടത്തെ ഇസ്ലാം ശ്ക്തമായി നിരാകരിക്കുന്നുണ്ടെന്ന് മുസ്ലിം സമൂഹം തിരിച്ചറിയണം. കായിക വിനോദങ്ങളുടെ മറവില്‍ കുത്തക കമ്പനികള്‍ തങ്ങളുടെ ഉല്പനങ്ങള്‍ വിറ്റഴിക്കുന്നതിന് ഒരുക്കുന്ന കെണിയില്‍പെടാതിരിക്കാനും, ഉപഭോഗ സംസ്കാരത്തിന്റെ അടിമത്വത്തിലേക്ക് സമൂഹം തെന്നിമാറാതിരിക്കാനും കടുത്ത ജാഗ്രത പാലിക്കണമെന്നും യോഗം ആഹ്വാനം ചെയ്തു. സമൂഹത്തില്‍ കായിക മത്സരങ്ങള്‍ ജ്വരമായി വളത്തുന്ന വിധം പിന്തുണക്കുന്ന മാധ്യമങ്ങളുടെ സമീപനം മാറണമെന്ന് യോഗം ആവശ്യപ്പെട്ടു.

വിദ്യാര്‍ത്ഥി യുവജനങ്ങള്‍ക്കിടയില്‍ പക്വതയുളള കായിക സംസ്കാരം വളത്തിയെടുക്കാന്‍ വിദ്യാഭ്യാസ വകുപ്പ് പദ്ധതികള്‍ ആവഷ്കരിക്കണമെന്നും യോഗം ആവശ്യപ്പെട്ടു.