ബുറൈദ: അറിവ് സമാധാനമാണ് എന്ന പ്രമേയത്തെ ആസ്പദമാക്കി സഫറ ജാലിയാത്തും ബുറൈദ ഇന്ത്യന്‍ ഇസ്ലാഹി സെന്ററും സംഘടിപ്പിക്കുന്ന രണ്ടാമത് അല്‍ ഖസീം ഈദ് സംഗമവും ഏകദിന പഠന ക്യാമ്പും ശവ്വാല്‍ 2ന് സഫറ ജാലിയാത്തില്‍ നടക്കും. അല്‍ഖസീമിലെ എല്ലാ ജാലിയാത്തിലെയും ദാഇമാരും പ്രമുഖ പണ്ഡിതരും പങ്കെടുക്കും.

തിരൂര്‍ക്കാട്: അന്യസംസ്ഥാന ലോട്ടറിയെ നിരോധിക്കണമോ നിയന്ത്രിക്കണമോ എന്ന വിഷയത്തില്‍ ഭരണ പ്രതിപക്ഷ കക്ഷികള്‍ വിഴുപ്പലക്കുമ്പോള്‍, ജനങ്ങളുടെ ആശയും കീശയും ചൂഷണം ചെയ്യുന്ന ലോട്ടറിയെ നിരോധിച്ച് മാതൃക കാണിക്കാന്‍ സര്‍ക്കാര്‍ ആര്‍ജവം കാണിക്കണമെന്ന് ഐ.എസ്.എം തിരൂര്‍ക്കാട് സംഘടിപ്പിച്ച ഐ.എസ്.എം നേതൃസംഗമം ആവശ്യപ്പെട്ടു.

ദുബൈ: ദുബൈ ഹോളി ഖുര്‍ആന്‍ അവാര്‍ഡിനോടനുബന്ധിച്ച് ദുബൈ ഗവണ്‍റമെന്റിന്റെ അതിഥിയായി എത്തിയ എം.എം.അക്ബറിന്റെ റമദാന്‍ പ്രഭാഷണ പരമ്പരക്ക് നാളെ (വ്യാഴം) സമാപനം. ദേരയില്‍ അല്‍ഫുതൈം മസ്ജിദില്‍ രാത്രി 10 മണിക്കു നമ്മുടെ കാലത്തെ മുസ്ലിംകള്‍: പ്രശ്നങ്ങളും പരിഹാരങ്ങളും എന്ന വിഷയത്തിലാണു അദ്ദേഹം സമാപനം പ്രഭാഷനം നടത്തുന്നത്. ദുബൈ ഇസ്ലാമിക് അഫയേര്‍സ് ആന്റ് ചാരിറ്റീസ് ഡിപാര്‍ട്ട്മെന്റിലെ പ്രതിനിധികള്‍, ഇന്ത്യന്‍ ഇസ്ലാഹി സെന്റര്‍ നേതാക്കാല്‍ അടക്കം നിരവധി പേര്‍ സമാപന പ്രസഗത്തിനു എത്തും.

റിയാദ്: വിശുദ്ധ ഖുര്‍ആന്‍ പഠിച്ചും പഠിപ്പിച്ചും പാരായണം ചെയ്തും ആശയം ഉള്‍ക്കൊണ്ട് ജീവിത വിശുദ്ധി കൈപ്പറ്റിയും വിശ്വാസികള്‍ ജിവിത സാഫല്യം നേടണമെന്ന് വെസ്ററ് ദീരാ ദഅ#്വാ സെന്റര്‍ ഡയറക്ടറും പ്രഗത്ഭ പണ്ഡിതനുമായ ശൈഖ് അബ്ദുല്ല ത്വീഫ് മുഹമ്മദ് അബ്ദുല്ലത്വീഫ് ഉല്‍ബോധിപ്പിച്ചു.

 ഗള്‍ഫ് മലയാളീ വിദ്യാര്‍ത്ഥികള്‍ക്കായി റിയാദ് ഇന്ത്യന്‍ ഇസ്ലാഹി സെന്റര്‍ മതകാര്യ മന്ത്രാലയത്തിന്റെ മേല്‍നോട്ടത്തില്‍ കെ.എന്‍.എം മദ്റസാ പാഠ പുസ്തകങ്ങള്‍ പുന:പ്രസിദ്ധീകരിച്ചതിന്റെ പ്രകാശനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം. കെ.എന്‍.എം സെക്രട്ടറി അബ്ദുറഹിമാന്‍ സലഫി കോപ്പികള്‍ ഏറ്റുവാങ്ങി.

 ശൈഖ് മുഹമ്മദ് അദൌസരി, ഇസ്ലാഹി സെന്റര്‍ സൌദി നാഷണല്‍ കമ്മിറ്റി സെക്രട്ടറി അബ്ദുറസാഖ് കൊടുവള്ളി, സുബൈര്‍ പീടിയേക്കല്‍, അബ്ദുന്നാസര്‍ സുല്ലമി, സൈദലവി അരിപ്ര ആശംസ നേര്‍ന്നു. അബ്ദുല്ല ജമാലി പുസ്തകം പിരചയപ്പെടുത്തി. സെന്റര്‍ പ്രസിഡണ്ട് അബ്ദുസ്സലാം അരീക്കോട് അധ്യക്ഷനായിരുന്നു. സെക്രട്ടറി അബ്ദുറസാഖ് സ്വലാഹി സ്വാഗതവും ഫസ്ളുര്‍റഹ്മാന്‍ അറക്കല്‍ നന്ദിയും പറഞ്ഞു.